Tge datti meglier ch'in sirup delizius d'ervas frestgas per sa rinfrestgar durant la stagiun da stad!

Lavar ils fegls da menta cun aua fraida, als prender davent dal moni ed als metter en in grond recipient.

Far buglir l'aua e la derscher sur ils fegls da menta.

Laschar sfradentar, cuvrir il recipient ed al metter per 12 fin 24 uras en la frestgera.

Suenter 24 uras struclar or bain ils fegls per extrair ina quantitad maximala dal suc.

Stgaudar il té en in'avnaun a temperatura bassa.

Agiuntar il zutger ed il suc d'ina mesa citrona.

Maschadar bain e far buglir durant 5 fin 8 minutas.

Laschar sfradentar e metter en ina buttiglia. Voss sirup è fatg!

Il sirup po vegnir conservà durant var 2 u 3 mais en la frestgera ed 1 mais (medemamain en la frestgera) suenter avair avert la buttiglia.