La plattafurma da communicaziun uffiziala per la festa naziunala svizra!
Windmill
Decoraziun
Roda da vent
Dai schlantsch a Vossa festa e zambregiai ina roda da vent dal 1. d'avust.
Sche Vus n'avais per mauns naginas banderolas alvas e cotschnas: questa roda da vent è fatga svelt e dat a Voss balcun u a Voss iert in'apparientscha svizra frestga.
Tagliai l'emprim or dal palpiri cotschen in quadrat grond, tut tenor quant gronda che Vossa roda da vent duai daventar (en l'exempel 14 x 14 cm). Faudai il quadrat diagonalmain amez ad in triangul. Avri il palpiri e faudai er l'autra diagonala ad in triangul.
Alura avri puspè il palpiri. Las lingias faudadas sa cruschan amez.
Tagliai ussa il palpiri nà dals chantuns per lung da las lingias faudadas fin a la mesadad. Uschia survegnis Vus quatter trianguls, ch'èn anc colliads entamez in cun l'auter. Cun quels vegnan furmadas las alas da la roda da vent.
Faudai ussa in chantun fin al center, senza al tatgar. Ussa pudais Vus tatgar las pitschnas cruschs svizras sin la surfatscha visibla.
Suenter che Vus avais decorà Vossa roda da vent, pudais Vus tatgar ils pizs entamez. Latiers sursiglis Vus adina puspè in chantun.
Fixai la roda da vent cun la gluvetta vi dal bastun. E gia è la fatga, Vossa roda da vent!
Cundivider
